Marilyn Manson | |
---|---|
![]() Marilyn Manson z Cannes (2006)
| |
Date | |
Geburtsname | Brian Hugh Warner |
Uf d Wält cho | 5. Januar 1969 Canton, Ohio. USA |
Genre | Metal |
Beschäftigung | Singer-songwriter, Musiker, Künstler |
Instrument | Vokalist, Elektrischi Guitarre, Keyboard, Schlagzüüg, Panflöte |
Aktiv | 1989 bis hützudag |
Label | Nothing, Interscope |
Het gspiilt mit | Marilyn Manson Band Mrs. Scabtree |
De Brian Hugh Warner (* 5. Januar 1969) esch in Canton, Ohio, USA uf d Wält cho. Är esch besser bekannt als Marilyn Manson. Är esch Sänger und Grönder vo de Rockband Marilyn Manson. De Name Marilyn Manson setzt sech us em Name vom amerikanische Seriemörder Charles Manson ond de bekannte Marilyn Monroe zäme.
De Brian esch als Chend i d Heritage Christian School (en sträng chreschtlechi Privatschuel) gange. Är hed denn am Broward Community College Journalismus ond Theater studiert.
Bevor är d Band gröndet hed, wo ursprönglech Marilyn Manson And The Spooky Kids gheisse hed, hed är als Journalescht för s Musigheftli 25th Parallel gschaffet. Scho gli hed är aber gmerkt, dass är ned wott öber anderi lüüt schribe, sonder sälber öbbis z säge hed.
Är hed ou scho in Filme mettgspellt, das esch im 1999 Der zuckersüsse Tod, im 2003 Party Monster, im 2004 The Heart is Deceitful Above All Things. im 2005 Livin in Neon Dreams und im 2006 Rise gsi. Zudem esch är im 2002 im Film vom Michael Moore, Bowling for Columbine gsi.
De Brian esch lang met de Schouspelleri Rose McGowan liiert gsi. Är hed aber denn am 3. Dezämber 2005 d Dita von Teese ghürotet. D Dita von Teese hed allerdengs am 29. Dezämber 2006 d Scheidig iigreicht. De Brian esch jez met de 20 jährige Schouspelleri Evan Rachel Wood liiert.